Денсаулықтың
қас жауы зиянды әдеттен тиылу керек. Қандай әдет денсаулыққа зиянды?
Тексеруге қарағанда, темекі шегу денсаулыққа ең зиянды. Ол өкпе рагіне,
жүрек ауруына, тыныс жолы ауруына душар етеді. Адам өмірін қысқартады.
Бұл әсте қорқыту үшін айтылған сөз емес, бұлтармас шындық. Батыс
елдерінің Африкадағы кедей елдерге темекі экспорт еткеніне немістің бір
ғалымы қарсы тұрып былай деген: «Кедей елдерге темекі экспорт ету – өлім
экспорт етумен бірдей. Ол әлем алдында қылмыс өткізгендік саналады».
Темекі өндіретін бір серіктіктің қожайыны былай деп шынын айтқан: «Біз
темекі өндіреміз. Бірақ, темекі шекпейміз. Темекі кедейлер үшін,
надандар үшін, білімсіздер үшін өндіріледі». Айта берсе, шылым шегудің
зияны өте көп. Темекіден тиылумен бірге, арақтан да аулақ болу керек.
Арақ – барлық азғындықтың бастауы ғана емес, дене бүтіндігіңді
бүлдіреді, жаныңды жалмайды.
Сағат Жайпақұлы,
«Шын-ақпарат»
|